Mahalliy tozalash qurilmalari MTQ

LOADING IMAGES

Mahalliy tozalash qurilmalari binolar, turar-joy binolari, sanoat obyektlari, ishlab chiqarish fabrikalar va boshqa inshootlarga xizmat ko’rsatish uchun ma’lum bir joyda joylashgan oqava suvlarni filtrlash uchun mo’ljallangan biologik tozalash stantsiyalari. Ko’pincha mahalliy tozalash qurilmalari O’zbekistonda qishloq uylari va kottejlar uchun ishlatiladi.

Bunday qurilma maydonchada o’rnatiladi va bakteriyalar yordamida suyuq maishiy chiqindilarni qayta ishlaydi. Ular organik moddalarni utilizatsiya qilish uchun xavfsiz birikmalarga ajratadilar.

Mahalliy tozalash qurilmalarning afzalliklari:

Chiqindilarni ifloslantiruvchi moddalar va zararli komponentlardan yuqori darajada tozalash.
Uskunaning butun xizmat muddati davomida ishonchli va samarali ishlashi.
Montaj oson va foydalanish uchun qulay.
Atrof-muhit standartlari va xavfsizlik talablariga to’liq muvofiqlik.
Mijozning o’ziga xos ehtiyojlari uchun tizimni individual soz’lash imkoniyati.

Mahalliy tozalash qurilmalari Toshkent va Respublikaning boshqa shaharlarida turli model va konfiguratsiyalarda taqdim etilgan bo‘lib, har bir obyekt uchun eng maqbul variantni tanlash imkonini beradi. O’rnatish va ishga tushirishdan tortib mahalliy tozalash tizimlariga texnik xizmat ko’rsatishgacha to’liq xizmatlar taqdim etamiz.

ZAVOD TEHMASH kompaniyasi ekologik xavfsizlik talablarini hisobga olgan holda MTQ ishlab chiqaradi va bizning barcha mahsulotlarimiz xalqaro sifat standartlariga javob beradi; Bizning qurilmalarimiz yuqori samaradorlik, uzoq xizmat muddati, chidamlilik va yuqori quvvat bilan ajralib turadi.

Mahalliy tozalash qurilmalarga buyurtma berish uchun biz bilan hoziroq bog’lanishingiz mumkin. Mutaxassislarimiz sizning hududingiz sharoitlarini va ehtiyojlaringizni hisobga olgan holda mahsulotni tanlashda yordam beradi. Barcha tafsilotlarni kelishib olganimizdan so’ng, bizning mutaxassislarimiz MQT ni qisqa vaqt ichida o’rnatadilar. Ulardan ishni qabul qilishingiz kifoya. Hoziroq biz bilan bog’laning.

ME`YORLASHTIRGICH

Me`yorlashtiruvchi qurilma kiruvchi oqova suvlarining samaradorligi va tarkibini tenglashtirish uchun mo‘ljallangan. Oqova suvlar me`yorlashtirgichga aholi tomonidan suv iste'moli jadvaliga qarab, turli soatlik sarf bilan kiradi. Me`yorlashtirgichdan esa suv doimiy sarf bilan, o‘rtacha soatlik suv sarfiga teng miqdorda uzatiladi. Me`yorlashtiruvchining mavjudligi suvni biologik tozalashga maksimal barqarorlikda uzatishni ta'minlaydi, bu esa biologik tozalash sifatini yaxshilaydi. Me’yorlashtirgichda kirishda xas-choʻplarni tutib qoluvchi savat o’rnatilgan uning, teshigi KNS dagidan ham kichiqroq. Savat chiqindilarni mexanik tozalash vazifasini bajaradi

DENITRIFIKATOR

Me’yorlashtirgichdan so'ng oqava suv denitrifikatorga kiradi, bu yerda nitrifikatordan resirkulyatsiya oqimi va ikkilamchi tindirgichdan faollashtirilgan loyqa qo'shiladi. Denitrifikator doimo chiqindi suv va loyqani aralashtirib, denitrifikatsiya jarayonlari uchun maqbul sharoitlarni yaratadi.

NITRIFIKATOR

Denitriifikatordan oqava suvlari aralashmasi nitriifikatorga o‘tadi, u yerda ularni tozalash jarayoni faollashtirilgan loy yordamida amalga oshiriladi. Bu bo‘limga aerobakteriyalarning hayot faoliyati uchun havo ta'minlanadi. Nitrifikatorning quyruq qismiga doimiy hajmda ishlaydigan qayta aylantirish nasosi o‘rnatiladi

Ikkilamchi tindirgich

Nitrifikatordan so'ng suv ikkilamchi tindirgich idishga kiradi, bu yerda idishning shakli tufayli oqim yo'nalishi o'zgaradi, suv avval pastga, keyin esa yuqoriga qarab harakatlanadi va shu bilan faollashtirilgan loyqa ajralib tankining pastki qismiga cho'kadi. Cho'kma loyqa denitrifikatorga bosim ostida o'tkaziladi va tozalangan suv keyingi tozalash jarayoniga beriladi.

QO'SHIMCHA TOZALASH

BioLOS - 5, 10, 15, 20, 30 qurilmalarida qo’shimcha tozalovchi sifatida qum filtri ishlatiladi, uning yordamida suv qum qatlamidan o'tib, mayda ifloslantiruvchi moddalardan xalos bo'ladi. BioLOS-50 da baraban mikrofiltridan foydalanadi.To'rli barabanli filtrlarning ishlash prinsipi quyidagicha: ishlov beriladigan suv kirish quvuri orqali uzluksiz ravishda baraban ichiga kiradi, to'rli filtrlash elementlari orqali filtrlanadi va qurilma kamerasiga tushadi, u yerdan suv oqimi orqali tozalangan suvni olib ketadigan kanalga tushadi. To'rli filtr barabani suvga to'liq botmagan - uning yuqori qismi suv ustida joylashgan (taxminan diametrning 0,15 qismiga). Filtrlash elementi yuqori holatda bo'lganda, ifloslanishlar yuvish qurilmasidan keladigan suv oqimi bilan barabanning ichki qismida joylashgan bunkerga yuviladi, u yerdan oqava quvurga tushadi va kanalizatsiyaga chiqariladi. To'rli barabanlar filtrlash to'rining ifloslanish darajasiga qarab davriy ravishda yuviladi.

ZARARSIZLANTIRISH

BioLOS qurilmalarida biologik tozalangan suvni zararsizlantirishning asosiy usuli UF dezinfeksiyasidir. Shuning uchun, qayta tozalashdan so'ng, UF dezinfektsiyali lampalar o'tadi, ultrabinafsha nurlar bilan to'yinganligi sababli bakteriyalar yo'q bo'ladi. Va chuqurroq dezinfeksiya qilish uchun ultrabinafsha nurlanishidan keyin suv kontaktga beriladi u yerda gipoxlorit eritmasi qo'shiladi. Dezinfektsiyaning har bir turi dezinfeksiyaga bo'lgan to'liq ehtiyojni qoplaydi, shuning uchun ikkala usulni bir vaqtning o'zida qo'llashning hojati yo'q. Ish paytida siz ushbu dezinfektsiya variantlaridan birini tanlashingiz mumkin yoki agar dezinfeksiya uchun talablar oshirilsa yoki dezinfeksiya turlaridan biri ishlamay qolish xavfi mavjud bo'lsa, ikkala usuldan foydalansa bo'ladi.

LOYQA STABILIZATORI

Loyqa stabilizatori ortiqcha loyqani saqlash va stabillash uchun mo‘ljallangan, u ichki qismiga aeratorlar o‘rnatilgan idishdan iborat. Zarurat tug‘ilgan taqdirda stabilizatorda saqlanayotgan loyqa boshqa tozalash inshootidan loyqa keltirish zaruratisiz tozalash inshootini qayta ishga tushirishga yordam beradi. Loyqa stabillashtirilganda suvini qochirish jarayonlari osonroq kechadi, shuning uchun stabilizator keyinchalik cho‘kindi suvini qochirishda muhim bosqich hisoblanadi.

CHO‘KINDILARNI SUVSIZLANTIRISH

Cho‘kmani suvsizlantirish stabilizatsiyalangan balchiqdan suvni ajratish uchun mo‘ljallangan. Cho‘kmani suvsizlantirishning ikki varianti mavjud: qopchali va shnekli suvsizlantirish. Suvsizlantirish qurilmasining variantini tanlash tozalash qurilmasining unumdorligiga bog‘liq.